انت ظنـي فيـك قـدام وتعـود ورا ..!

كل ما مديـت وصلـي تجازينـي صـدود



واتعذر عنك واقول مدري وش جـرى ..؟



ماطرى لي غير حبك وانـا مانـي جحـود



وانت مدري وش طرى لك لكن اللي طرى :



بيت حـبٍ مـس حبلـه وشيَـده العمـود



ولك خفوقي فرش والصدر وضلوعـه ذرى



مستلـم صـك المشاعـر وثبَـت القيـود



وانقطع قلبي وصدري مـن الشـوق انفـرا



دايمٍ تخطـي واسامحـك مـن قلـب ودود



وادمح الغلطه ليـا جـات كـن محـدٍ درى



اتغاضـى عنـك لكـن تعديـت الـحـدود



ويش اسوي معك والصـد والهجـر جهـرا



كل ماظنيت بي ظـن يرقـى بـك سنـود



وانت ظنـي فيـك قـدام وتعـود ورا ..!



لامتـى وانـا اترجـى الوعايـد والعهـود



لاتشـالا الجـرح الاول تبيعـه مـابـرى



وانت توعدني وتقفـي وتخلـف بالوعـود



والمولـع بانتظـارك سـرى ليلـه سـرى



دام في سـوق العشاشيـق ماتقـدر تجـود



سوق حبي معـك مافيـه بيـع ومشتـرى



هات ما عندك من الصد وانا اللـي بـزود



لين تدري ويش معنـاة مـردود البـرا ..؟








( مبارك آل خليفه ) ..